Gareth Bale është larguar nga Real Madridi pas nëntë viteve qëndrim te Real Madridi.
Bale ka pasur një vit për tu harruar pasi ka luajtur vetën në shtatë ndeshje, pesë në La Liga dhe dy të tjera në Ligën e Kampionëve si zëvendësues.
Por ai tani ka mbetur një futbollist i lirë dhe është duke menduar për të ardhmen e tij.

Daily Mail ka raportuar se reprezentuesi uellsian ka 10 oferta në tavolinë, por pa i zbuluar të gjithë emrat e skuadrave që e duan atë.
Getafe mbetet një opsion për Balen, pasi gruaja e tij me fëmijët duan të qëndrojnë në kryeqytetin spanjoll Madrid.

Ndërkohë interesim ka shprehur edhe Cardiff City që militon në Championshipin anglez dhe Brentford në elitën e futbollit anglez.
Sipas mediumit anglez Bale kërkohet edhe nga disa skuadra të tjera si Los Angeles Galaxy dhe DC United në MLS.

32-vjeçari synon që të gjej një skuadër për të luajtur rregullisht pasi kërkon të jetë në top formë para Kampionatit Botëror ku do të marrë pjesë me Uellsin e tij.
Gjithsesi ofertat nuk mungojnë për sulmuesin i cili pritet ta vendos të ardhmen e tij pas ndeshjeve të Ligës së Kombeve që po i zhvillon me Kombëtaren e Uellsit./arbresh.info/